Ek bandh kamre main baitha hu,
Kuch uljhano ka pitaara liye;
Soch raha hu kuch likh lu,
Apni yaadon ka sahara liye.
Mashtishk main ek khyal daud ke aaya hai,
Jisne mujhe chup-chaap ye samjhaya hai;
Ki main ek sadharan manushya hu; na ki koi buddhi-jeevi,
Kuch bhi likhne ki azaadi hai mujhe; meethi ya fir ho baat teekhi.
Vyang likho; ya prakashit karu ek ansuni ghatna,
Milta nahi mujh jaiso ko “Bharat Ratna”;
Khuli aankhon se sapne dekhne ka bhram hai mujhe,
Haqeeqat se meri, kayee “Iteefaq” hai joode.
“Ghalib” ka paimana hu main,
“Khusrow” ki chillam hu;
“Majeed” ka kahekasha hu to,
“Tagore” ki ghazal hu.
“Shabdo” ki talaash main aajkal;
Dar-dar ki kitabe chaat raha hu main;
Do “kodi” ka mol nahi hai,
Be-parwah inhe fir bhi baant raha hu main.
Is behudgi ko meri;
Ek choti si “Kavita” samajhna;
Likhte hue jo waqt barbaad kiya hai maine;
Kripya-kar "PADHKAR" aap bhi karna.
No comments:
Post a Comment