Ajeeb sa Culture!!!

Facebook ka bukhar, yuvao par pur-zor hai,
Jaha dekho, “Status Update” ka shor hai;
Dhada-dhad photo chipkaana, ban chuki aadat hai;
Kisi mile kitne “Like”, sabki yahi aafat hai!

Internet na hona, ek bhaari-bharkam saza hai,
Facebook, Twitter, Google Plus par, kadam-kadam par maza hai;
Username aur Passwords ka bawaal, bedhanga hai,
Aajkal to Twitter, BBM par, plan ho jaata danga hai!

Ek ungli ka “Click” aur kuch seconds main,
Mil jaata har ek saawal ka jawaab hai;
Google agar antaryami hai to,
Yahoo bhi lajawab hai!

iPhone, iPad aur imac ki ginti,
chu-nindaon main hoti hai;
Samsung, Nokia bhi chal jaate hai,
Baakiyon ki bikriyon main, amma roti hai!

Saale sab boraye hue ghumte hai,
Bank account main dhan rashi ki kami hai;
Chehre pe “Mt. Everest” se muskurahat,
Aankhon main “Bhootjalokiyan” ki name hai!