Mera Bharat Mahaan…

Bharat main Bhrshtachaar,
Ya bhrshtachaar main Bharat hai.
Yeh kuch logo ki lagai bimari nahi,
Isme kaafi bharatiyon ki shararat hai.

Neta, police aur sarkari karamchariyon ne,
Kar diya desh apang hai,
Khake karodo, arbo rupah,
Baithe kursiyon pe, dabangg hai.

Kahi 2G ka ghotala hai,
Kahi CWG ki loot hai.
Jo loote, so loote,
Sabko bhaari chhoot hai.

Laal batti todne par,
Sirf 100 rupeh hi lagte hai.
Murder karne wale bhi,
Yaha parliament main dikhte hai.

Is desh main bhagwaan nahi,
Baba bhi pooje jaate hai.
Patthar pe chadta hai doodh yaha,
Par gareeb bhooke hi so jate hai.

Desh ke yuvaoon par,
Chada “Facebook” “Orkut ka bukhar hai.
Naukriyon ki kaami nahi hai,
Fir bhi berozgaari ka dum barkarar hai.

Khoon, balaatkar, chori…
Yaha ke bas yehi samachar hai,
Samajik karyakarta yaha jail main hai,
Apraadhi saare farar hai.

Karodon devi-devtaon ke iss desh main,
Yeshu aur allah abhi bhi mehman hai.
Naam ke he log bhakt hai,
Andar se “ek-se-badh-kar-ek” shaitaan hai.

Aaj bhi pracheenta iss desh ki,
Sabse badi pehchaan hai.
Chahe lakh buraiyan ho is desh mai,
Fir bhi “Mera Bharat Mahaan Hai!!”.

....................................................
©All rights reserved.