Bollywood ki Duniya

Iss “Bollywood” ki duniya main,
Kyat tera hai, kya mera hai.
Yahan jo dikhta bilkul seedha hai,
Wo hota utna tedha hai.

Yaha goli se na marta, hero hai,
Yaha chalta “Size-zero” hai,
Yaha “music” be bedhanga hai,
Consumer bhi to “aandha” hai.

Yaha “story-line” ka kaam nahi,
Chalta “jugaadi” funda hai.
Theatre ke “asli” artist ka,
Yaha maamla zara “thanda” hai.

Scandal aur sex ki hai bharmaar yahan,
Yahan “item-song” bhi chalta hai.
Gaane chah-he jaise bhi ho,
Movie main, koi-kahin-bhi dalta hai.

Ab “Gabbar” jaise villain kaha,
“Babban” ka sikka chalta hai.
“Dum maro Dum” bas kehte hai,
Scene main, cigarette ka dhuan udta hai.

Camera ke “angle” ka pata nahi,
Yaha “scenic-beauty” chalta hai.
Rone ka ho jo scene film main,
To picche, “Laughing Buddha” dikhta hai.

Yaha koi “Hiran” ko khaata hai,
To koi “Maid”ke saath so jaata hai.
Yaha pe 1993 ke dhamako ka,
Mujrim bhi sabka “Munna” ban jaata hai.

Yaha confusion ka “fuse” nahi hai,
Talent ki koi voice nahi hai.
Dekhna hai to yeh hi dekho yahan,
Varna koi choice nahi hai.